Disputadisimo foi o derbi celebrado esta fin de semana en Boiro entre o CV Boiro e o CV ARQO Rianxo. Pola nosa parte notouse que ainda non estamos o suficientemente rodados e isto nos levou a cometer erros moi graves sobre todo en recepción. Finalmente, e despois de loitar moito, puidemonos levar o partido cun resultado de 2-3 ó noso favor.

Este fin de semana deparoulle o equipo Senior Masculino a viaxe para afrontar o partido de volta da Copa fronte o EMEVE de Lugo. Oito xogadores se desprazaron ata Lugo para xogar o Sábado pola mañá. Ó igual ca a semana anterior comezouse ben o partido, gañando o primeiro set, axudado polos erros en saque do rival, o segundo set foi claramente para o EMEVE. No terceiro veuse moitisima igualdade e acabouse cedendo por 26-24. Xa no último, despois da lesión de Octavio, o equipo lugués impuxo o seu dominio e acabouse levando o partido.

Notouse ben neste primeiro partido de temporada que os 2 equipos aínda están a levar a cabo a súa preparación para afrontar a Liga. O partido estivo marcado por erros en recepción e ataque pola nosa parte, pola parte do EMEVÉ vese que están a coller soltura para a temporada regular.

O próximo Sábado día 26 de Setembro terá lugar o primeiro encontro desta temporada que enfrontará ó noso equipo fronte ó EMEVE de Lugo que milita en Liga FEV, nun partido que realmente pertence a competición da temporada pasada, ó estar encadrado dentro da competición da Copa galicia 2009.